فيصل عزيزي: عارف كاين لي ما عندو ما ياكل ولكن غير نصبرو كاملين لأنه الى انتشر كورونا غادي نوليو فآفة أش جا ما جمعها -فيديو

في إطار الحملة التوعوية لي دايرينها بزاف ديال الفنانين خرج الفنان فيصل عزيزي البارح الأحد، باش يطلب من الناس يگلسو في ديورهم ويلتزمو بالحجر الصحي باش البلاد تفوت هاد الأزمة ونقدرو نحدو من انتشار كورونا.
فيصل عزيزي نشر فيديو على حسابو في أنستكَرام قال فيه للمتتبعين ديالو "عارف كاين لي ما عندو ما ياكل ولكن غير نصبرو كاملين لأنه الى انتشر المرض غادي نوليو في آفة أش جا ما جمعها".
فيصل عزيزي قال أنه هاد اليومين غادي تحدد بزاف ديال الأمور، وممكن البلاد تتجاوز الأزمة الى الناس گلسو في ديورهم وما خرجوش للزنقة.