وفاة الفنان المغربي اليهودي بوطبول بسبب "كورونا"

توفي اليوم فواحد الصبيطار فالعاصمة الفرنسية باريز، الفنان المغربي اليهودي مارسيل بوطبول، عن عمر يناهز 75 سنة، بعد إصابته بفيروس "كورونا" المستجد، وهذشي حسب ما ذكر موقع "إيلاف".
ونهار الاثنين، دخل بوطبول الإنعاش بعدما تدهورات الحالة ديالو الصحية، وتم التأكد بللي كان مصاب بالفيروس وماكانش عارف، قبل ما يوقع ليه اضطراب تنفسي حاد نقل بسبابو على وجه السرعة للصبيطار، ودخل قسم الإنعاش.
وكينتمي بوطبول لعائلة فنية معروفة، حيت هو ابن الفنان جاكوب بوطبول وأخ الفنان حاييم بوطبول، وكان خاض تجربة سينمائية ففيلم "أوركسترا منتصف الليل" لجيروم أوليفر كوهين، واللي كيحكي القصة ديالو مع الفن.