لبنى أبيضار: لزمو ديوركوم وبارطاجيو المونة ديالكم مع الناس المحتاجين فهذ الأزمة – فيديو

طالبات الممثلة المثيرة للجدل، لبنى أبيضار، المغاربة باش يكَلسو فديورهم، ويبارطاجيو المونة ديالهم مع الناس اللي مافحالتهمش، فهذ الوقت اللي العالم كيشهر "حرب عالمية ثالثة من بعد انتشار فيروس كورونا" على حد تعبيرها.
وزادت لبنى كتقول، ففيديو سافطاتو ل"كود"، بللي هذ الفترة غاتسجل فالتاريخ، ولازم على المغاربة "يبينو للعالم بللي هو أكثر شعب حضاري وأكثر شعب قدر يوقف الوباء من اللول ديالو"، كيف قالت.
وقالت كذلك "ماتبخلوش على بعضكم باش تبارطاجيو المونة ديالكم كاينين بالزاف ديال الناس خدامين باليومية ديالهم وكاين طالب معاشو، حشومة عليكم تكونو نتوما بيخير وسادين عليكم ديوركم وناس خرين ماقادرينش ياملو".