لاليگا وقفات وريال مدريد فوت وباسكيط فعلات بروتوكول كورونا فيروس ووقفات التداريب. لعاب تقاص

اعلنت القناة الاسبانية العمومية “الاولى” ان نادي ريال مدريد فعل بروتوكول الخاص ب”كورونا فيروس” وباللي من نتائجو ما دربوش هاد الصباح. وفق القناة نفسها فان هاد القرار كيهم نادي ريال مدريد لكرة القدم ونادي ريال مدريد لكرة السلة. هاد الشي جا بعد ما لقاو لعاب ديال كورة السلة فيه “كورونا فيروس”.
ووفق الاعلام الاسباني فان لعابة الفوت ولعابة الباسكيط كيتشاركو بعض لبلايص فالتداريب. دابا خافو تنتاشر العدوى.
الاتحاد الاسباني كان قرر تلعب الماتشات بلا جمهور. اليوم رسميا غادية توقف لاليگا جوج سيمانات وممكن تكون اكثر.
الاتحاد الامريكي لكرة السلة كان وقف الان بي اي. بطولة السلة للمحترفين بسباب وجود حالة للعاب فرنسي ففرقة فهاد البطولة.