البوليسي السابق هشام ملولي بيراطاو ليه صفحتو ففيسبوك.. ونشرو فيها فيديوهات ديال البورنو

البوليسي السابق هشام ملولي بيراطاو ليه صفحتو على موقع التواصل الاجتماعي “فايسبوك”. هاد الصفحة فيها اكثر من 773 ألف متتبع وقريبة ل774 ألف واحد، وبدات تنشر صور وفيديوهات ديال البورنو.
“كود” حاولات تعيط للبوليسي هشام ملولي تسولو على هاد لفضيحة لكن مجاوبش ف مرة، قبل أن يؤكد صديق له في حديثه مع “كود”، أن الصفحة ديالو فعلا تبيراطات وداك الفيديوهات كولها فيروسات.
وكان الملولي دار فيديو كيشكي فيه حيت مكيتخلصش ومعندوش أهمية في المغرب، وخرجات المديرية العامة كذباتو وقالت أنه مازال متابع في قضية احتجاز واغتصاب ومازال مخداش البراءة.