واش فيروس كورونا ضرب ليسي ليوطي. مصادر ل”كود: هادشي فايك نيوز ومامنوش

قالت مصادر ل”كود”، أن ليسي ليوطي عرف فهاد اليوماين الاخيرة عدة اشاعات كتفيد بانه كاينين تلاميذ مشاو لسبيطار حيت فيهم كورونا فيروس، واخرى كتقول ان الاسعاف جا وداهم.
وزادت المصادر اكدات ل”كود” ان هادشي داروه براهش مافيهم مايقراو، ناضو زورو رسالة من البروفيزور وطلقو اشاعة على ان تلاميذ في الليسي فيهم كورونا. طبعا والديهم يخلصو زبابل لفلوس وهما ما باغينش يقراو.
طبعا من بعد، رسلات الادارة ايمايلات للاباء والأولياء وضحات فيهم ان هادشي غير كذوب، وضحك ديال الدراري الصغار، ووضحات ان الدراسة مستمرة والليسي ليوطي مافيه لا فيروس كورونا لاوالو.
وفق مصدر “كود” فان الاشاعة خلات اباء ما يجيبوش ولادهم. رسائل حصلت عليها “كود” من لبروفيزولر ديال ليوطي فيها توضيح لهاد الاشاعات.