المغنية أصالة نصري والممثلة يسرا دارو شوتينكَ المصور العالمي حسن الحجاج – تصاور

مجلة فوكَ العالمية اختارت المصور المغربي حسن حجاج باش تحتفل بعيد ميلادها السنوي الثالث بطريقتها الخاصة من خلال تصاور كاملين ألوان.
أول شخصية لي كشفات عليها المجلة ولي صورها حسن هي المغنية السورية أصالة نصري لي لبسات بزاف ديال الألوان ودارت شوتينكَ فوق الحصيرة المغربية ديال الدوم وسلة بزقلي فوق شعرها بحال الطربوش المغربي.
النجمة الثانية هي الممثلة المصرية يسرى لي صورها حسن وهي مغلفة في مانطة “مازافيل”، ودارت على راسها سطل فيه اشهار ديال القمح.
وكيبان من خلال الاعلان ديال فوكَ أن عدد مارس غادي يكون كامل من توقيع المصور المغربي الاستثنائي حسن حجاج لي مشهور، وسبق ليه صور أشهر الأسماء في عالم الفن والموسيقى والرياضة والسينما، من بينهم ويل سميث وبيلي ايليش..