مازيمبي قرر يستاعد للرجا فكازا والكونسوتراسيون غادي تبدا ف13 فبراير

إدارة تي بي مازيمبي الكونگولي قررت تنظم كونسوتراسيو فالدار البيضاء، باش يستعد فريقها لملاقاة الرجاء البيضاوي في دور ربع نهائي دوري أبطال إفريقيا لكرة القدم.
مصادر إعلامية كونگولية أكدت اليوم الخميس أن مازيمبي غادي يدخل في تجمع مغلق فكازا من نهار 13 فبراير وحتى ل28 من نفس الشهر، وهو اليوم، اللي غادي يلتقي فيه الرجاء بملعب مركب محمد الخامس فالدار البيضاء.
الفريق الكونگولي كمل كل الإجراءات ديالو باش يجي المغرب.
وحسب مسؤولي تي بي مازيمبي، فإن تجمع كازا غادي يسمح للاعبيهم التأقلم بأجواء اللي كاينة فالمغرب، لأنهم باغي يمشي بعيد في دوري أبطال إفريقيا.
القرعة وضعات الرجاء البيضاوي في مواجهة صعبة كونتر مازيمبي، في الوقت اللي غادي يواجه الوداد البيضاوي النجم الساحلي التونسي.
الماتشات ديال ذهاب دور ربع نهائي عصبة الأبطال غادي تجرى أيام 28 و 29 فبراير الجاري، على أن تجرى مواجهات إياب يومي 6 و 7 مارس المقبل.