الشيخة الطراكس وعادل الميلودي مازال زايدين فالتخلف والكلاخ ديالهم.. خرجو كليب جديد بهدل بالمرأة المغربية – فيديو

عادل الميلودي لي كيقدم راسو كسفير الأغنية الشعبية دار أغنية جديدة مع فاطمة الزهراء المعروفة بالشيخة الطراكس. هاد الجوج ديال الناس عندهم نقطة مشتركة وهي التفكير ديالهم المتخلف على المرأة، ودورها في الحياة.
الميلودي كان قال أن الراجل خاص يضرب مراتو ولي ماكيضربهاش را ماشي راجل، والطراكس وبكل تخلف قالت أن الرجال كيموتو على الترمة ولي ماعندهاش الترمة ماشي مرا. وبجوج كانو خرجو اغنية بعنوان “الحلوفة”، عامرة ميزوجيني وكلاخ.
View this post on Instagram
تحية خالصة لكل الأحبة و الأصدقاء ❤ انتظرونا قريبا فيديو كليب جديد الشيخة الطراكس وعادل الميلودي 2020 #وش_حماقيتو ???????? @jaliloben_1 ????????
A post shared by Chikha Trax شيخة-طراكس (@fatimazahra.taxx_officiell) on Jan 18, 2020 at 1:23pm PST
ودابا عاودو نفس الشيء، في التصويرة الترويجية على الأغنية الجديدة لي عنوانها “واش حماقيتو” كيبان الميلودي في دور “سي السيد” كَالس وسط الصالون والشيخة الطراكس كتغسل ليه رجليه وسط بانيو وتنشف فيهم في دور المرا الخاضعة، المذلولة والخدومة.
هاد الأنواع ديال الكليبات كيعطي صورة خايبة على المغرب، وكيبين مجتمعنا ميزوجين ومكلخ، وكيعطي صورة كفس على المرا المغربية حيت كيبنها خاضعة، ومهمتها الوحيدة في الحياة هي إرضاء الرجال.