كان كايديهم لمنطقة خالية ويتكرفص عليهم.. بوليس الجديدة شدو ثلاثيني اغتصب قاصرات

من بعد أسابيع ديال البحث عليه، استاطعوا بوليس الجديدة يشدوا رجل فعمرو 34، البارح السبت، متورط فارتكاب جرائم اغتصاب قاصرات.
وحسب ما توفر ل”كود” من معطيات، فالمديرية العامة للأمن الوطني لقات القبض عليه بناء على عشرات الشكايات للي تقدمو بيها الوالدين ديال الضحايا.
وحسب المعطيات نفسها، كان المتهم كايدي القاصرات بالليل لواحد المنطقة خالية بالقرب من حي المطار بالجديدة باش يتكرفص عليهم.
وحاليا، تم وضع المتهم تحت تدابير الحراسة النظرية، باش يتم تحديد ظروف وملابسات القضية، قبل ما يتم تقديمو للعدالة.