ها فين تصّور الفيديو ديال النصاب اللّي كيسمسر ف ملف قضائي وها شنو كشفات المعلومات الأولية للبحث

علمت “كود” أن داك الفيديو اللي بان فيه نصاب كيسمسر فشي ملف قضائي تصوّر حدا المحكمة الزجرية ديال عين السبع فكازا. المعلومات الأولية للبحث تشير إلى أن داك النصاب اللي عندو سوابق فهاد المجال كان كيهضر مع شي حد معندو علاقة لا بمهنة المحاماة او القضاء.
#هذ_شي_خطير#فيديو مسرب تيبين البيع والشرا في المحاكم المغربية
Publiée par GOUD sur Jeudi 14 novembre 2019
قال مصدر مطلع، ل”كود”، أن داك النصاب “ع.ر” أوهم ابنة إحدى المتابعات أمام القضاء بأنه كان كيضهر مع شي قاضي لكن السيد غير نصاب وكان غالبا كيهضر مع شي صاحبو. واكثر من ذلك داك المعتقلة راه تحكمات بعام ديال الحبس.
دبا الأبحاث الأمنية مزال متواصلة من قبل الفرقة الجنائية الولائية بمدينة كازا لتحديد مكان تواجد داك النصاب