مسابقة أجمل رجلين ديال العيالات منوضة حالة.. ومولاها كيتسناه 5 سنين ديال الحبس

ضجة واسعة نايضة في الكويت بعدما حط شخص إعلان عن مسابقة لأجمل رجلين ديال النساء، وقال أن صاحبة أجمل تصويرة غادي تربح خلخال ديال الذهب.
مول المسابقة حط فيديو كيدوي فيه وقال أنه وصلوه كثر من 1500 صورة ديال نساء بغاو يشاركو في المسابقة ويربحو.
صاحب المسابقة شرط على الفائزة تصور الخلخال في رجلها باش يأكد لمتابعيه أن المسابقة حقيقية وماشي كذوب.
وكتب حساب “ديوان الكويت” نقلا على محامون أن هادشي لي دار صاحب المسابقة هو مخالف للآداب، وغادي توجه ليه تهمة سوء استخدام وسيلة اتصال والعقوبة كتوصل ل 5 سنوات ديال الحبس، وأكد أن الفتيات المشاركات غاديات يكونو جزء من الجريمة.