باي باي النمطية وطاي مانكان.. ماركة عالمية اختارت “تشيكا” لعرض ملابسها الداخلية –تصاور

الماركة العالمية “كالفان كلين” هرسات النمطية وعروض الأزياء ديال البنات طاي مانكان واختارت المغنية جين تشيكا أورانيكا باش تكون هي مودل ديال ملابسهم الداخلية الجديدة.
الشابة مولات 22 عام زايدة في الوزن بشكل كبير، لبسات موديل ديال “كالفن كلين” ولفتات الانتباه بشكل كبير ليها هي شخصيا وللعلامة التجارية.
لكن وكيف أي موضوع، بزاف المعلقين معجبهمش الحال ماشي حيت هي غليضة، لا ولكن اعتابرو أن اعتماد على تشيكا هو من أجل الترويج لنمط حياة غير صحي. لكن تشيكا جاوبات المنتقدين وقالت أن صحتها بيخير وحتى واحد مخاصو يتقلق على صحتها لأنها هي مزيانة في جسدها.