الجامعة عتقات الموقف وحلات البيبان فابور للجمهور

الجامعة الملكية المغربية لكرة القدم عتقات الموقف وحلات البيبان ديال ملعب طنجة باش يدخل فابور.
عدد الجمهور كان قليل بزاف قبل انطلاق المباراة وحتا من بدات، الشيء لي دفع المنظمين يفتحوا البيبان بعد مرور 10 دقائق.
هاد الخطوة مكنت الجمهور باش يعمر التيران، خصوصا المدرجات لي مقابلا المنصة الشرفية، في الوقت لي بقاو جناب خاويين.
شي گايگول أن العدد وصل 25 ألف متفرج وشي حددوا في 20 الف، المهم أن التيران ما بقاش خاوي كيف الأول.
حتا البوليس ساهم باش البيبان يتحلوا في وجه الجمهور، لحقاش ماباغيش يدخل في احتكاك مع الجمهور، لي حضر الملعب وماعندوش البيي باش يدخل.
بزاف ديال الجماهير تسمروا قدام البيبان ينتظرون الدخول بالمجان دون أن يستفزوا البوليس أو يديروا الفوضى. بقا كيستناو حتا تعطات الأوامر باش يدخلوا بهدوء ودون أي مشاكل.