واخا تسببت فكوارث جوية… لارام مازال متشبتة بطيارات بوينگ 737 ماكس

بعد نشر “رويترز” خبر تاتقول فيه أن لارام قررت تعليق صفقة شراء جوج طيارات من طراز “بوينغ 737 ماكس” بسبب شكوك في تسبب هاذ النوع ن الطيارات في حادثتين جويتين في إثيوبيا وإندونيسيا مما أدى إلى مقتل 346 شخصاً، خرج مسؤول بلارام في تصريح صحفي نفى فيه هاذشي قائلا انه لا اساس له من الصحة و ان الكوموند لم يتم إلغاؤها.
هاذ التصريح ما حيدش بزاف من الضباب اللي كاين في الخطط المستقبلية للعلاقة بين لارام والبوينغ خصوصا أن بيانات الشركة الامريكية تفيد بأنها سلمت فقط جوج طيارات “737 ماكس” إلى الخطوط الملكية المغربية من أصل أربع تم طلبها، وبالتالي ايلا كانت لارام مازال متشبثة بالبوينغ علاش المسؤول اللي خرج ينفي الغاء الصفقة ما قالش شنوهو المصير ديال جوج طيارات مازال ماتوصلات بيهم لارام لأسباب غامضة.