بنت الستاتي خلات طاليانية باغا تعلم الدارجة باش تعيش كلمات أغانيها – تصاور

الهام العرباوي بنت المغني الشعبي عبد العزيز الستاتي عايشة السعادة بعدما وصلوها ميساجات من معجبين كيعبرو ليها على حبهم ليها.
جها ميساج من مغربية عايشة فكندا، قاتلها فيه انها فخورة بيها بزاف، وانها عندها ستيل واعر.
ووصلها حتى ميساج من طاليانية كتبات ليها كلام زوين وقالت ليها أنها سمعات أغنيتها الأخيرة وعجباتها وقررات أنها تتعلم العربية باش تبقى تفهم شنو كتقول فاغانيها.
وجا في رسالة الطاليانية “صاحبي مغربي ومبغانيش نتعلم العربية وقال لي غادي ضيعي غير وقتك ولكن أنا قررت ناخد دروس خاصة”.
هاد الكلام فرح Ily وكتبات عليه: “نخلي ناس فرحانيين كيخليني حتى انا فرحانة”.