الوالي مهيدية عندو كلمتو فالكرة.. اجمع رئيس اتحاد طنجة والعمدة باش يحلو مشكل الفلوس

محمد مهيدية، والي جهة طنجة تطوان الحسيمة تدخل فشؤون اتحاد طنحة، لي كايمر بأزمة مالية خانقة، لأنه عندو كلمتو فالكرة.
مهيدية اجمع عبد الحميد أبرشان، رئيس الفريق ومحمد البشير العبدلاوي، عمدة طنحة، البارح الخميس باش يشوفو شي حل لأزمة الفريق.
مصادر “كود”، أكدت بلي الوالي مهيدية تدخل بقوة باش تتحول منحة مالية مهمة للفريق البوغاز مخصصة من المجلس البلدي.
هاد الاجتماع جا بعدما طلب مسؤولو اتحاد طنجة من الوالي التدخل لإيجاد حل للفريق.
هاد الاجتماع كان فأل حسن على اتحاد طنجة، بعدما تمكن من التأهل بصعوبة على حساب الفتح الرياضي بواحد لزيرو بملعب طتحة، ضمن ثمن نهائي كأس العرش.
وتمكن الليبي طاهر سعيد من تسجيل هدف اتحاد طنجة فالدقيقة 113 من ضربة جزاء، بعد انتهاء الوقت الأصلي بالتعادل السلبي زيرو لزيرو.
اتحاد طنجة غادي يلعب في الربع النهائي مع الفائز فماتش حسنية أكادير وحسنية أكادير.