الانتخابات في الامارات غاترجع المرا للور. مترشحة بغات تعدد الزوجات لمحاربة العنوسة عوض ماتطلب من العيالات يخدمو ويقدو براسهم

خولة عبد العزيز آل علي، مترشحة لانتخابات المجلس الوطني الاتحادي عن إمارة الشارقة الإماراتية، طالبات في برنامجها الانتخابي بتعدد الزوجات من أجل القضاء على العنوسة.
وقالت آل علي، ل صحيفة” الإمارات اليوم”، بأنها غادي تعطي اقتراحات وحلول للجهات المتخصصة باش يلقاو الظروف المناسبة باش الراجل يتزوج شحال امثر من مرا ويكون مستقر اجتماعيا وماديا.
هاد المترشحة للانتخابات قالت أن العيالات كيتزايدو بزاف في الامارات مقارنة مع الرجال وهاد النساء فيهم 4 الفئات لي هما : الفتيات العوانس والمطلقات بغير أبناء، والمطلقات بالأبناء، والأرامل بغير أبناء، والأرامل بأبناء.
هادي باغية ترجع المرأة للقرون الوسطى، عوض ماتطلب من العيالات يقراو ويخدمو ويقدو براسهم، والزواج يكون عندهم زايد ناقص.