القرطاس خدام فتركيا ونوطير ومول وكالة اسفار هربانين. كيفاش تزگلو 2 مغاربة من الموت

السيمانا اللي فاتت تزگل موثق بيضاوي معروف مع صاحبو عندو وكالة اسفار من الموت فانطاليا فتركيا وفق مصدر “كود”.
هادو عا جاو فالرجلين ما دايرين ما فراسهم اش غادي يوقع. وفق مصدر “كود” فالموثق وصاحب وكالة اسفار بغاو يقصرو. مشاو لنايت كلوب فشي شارع من شوارع انطاليا التركية. ما عجبهمش الحال٬ بغاو يبدلوه بنايت كلوب جديد. تزامن خروجهم مع شي عرس جاي.
وحسب رواية مصدر “كود” “ما عرفو باش تبدلاو ومللي قربو من فيدورات بدا البلوط خدام. شي كيضرب شي بالفرادى. اللي هرب هرب واللي تقتل تقتل وجوجت لمغاربة عطاوها للجري وصلو حالتهم كي الكلب.
واحد من المغاربة طاحت قدامو روح ووفق مصدر “كود” مازال لحد الان مصدوم.
خرجو يقصرو مشات ليهم عطلة ديالهم وما دايرين لا بيديهم لا بلسانهم.