عميد الترجي: قال لينا لاربيط بالفرنسية قبل من الماتش باللي الفار ما خدامش

فضيحة منح الترجي التونسي عصبة الابطال الافريقية البارح فتونس ما سالاتش. الكاف دايرة اجتماع للجنتها التنفيذية. امور كثيرة غادية تبان بخصوص علاش ما خدمش الفار البارح فهاد الماتش.
خليل شمام عميد الترجي التونسي قال فتصريح صحافي ان الحكم الغامبي بكاري كاساما قال ليه ولعميد الوداد البيضاوي عبد اللطيف نصير بالفرنسية باللي الفار ما خدامش وباللي الماتش غادي يدار بلا بيه.
واش بصاح هاد الشي؟ دابا خاصنا نسولو نصير٬ حقاش اللعاب التونسي زاد “ربما قائد الوداد لم يفهم اللغة الفرنسية التي تحدث بها الحكم جاساما”.
البارح الوداد خرجات من الماتش فالدقيقة 59 بعد انسحاب الوداد بسباب عدم احتساب هدف للوداد وباش بغاو يقلبو الفار لقاوه ما خدامش. ديك الساعة كانت الترجي رابحة بواحد.
رفض الوداد يكمل الماتش خلا الحكم يعطي اللقب للتوانسة