فضيحة بالتصاور.. بناء عشوائي فاخر حدا قائد مرس السلطان

فضيحة عاود جديدة ديال البناء العشوائي وهاد المرة أمام أعين السلطات المحلية ديال مرس السلطان فكازا. ففي أحد أرقى أحياء مدينة مازا المجاورة للقصر الملكي كاين واحد الزنقة إسمها الصيرفي التي توجد على مقربة أمتار من المحلقة الإدارية ومقاطعة مرس السلطان كاين إقامة نور اللي فيها لبني عشوائي.
مصادر من الحي قالت ل”كود” أنه تم تعطيل أدراج النجدة من طرف واحد ساكن فبرميان إيطاج، وتم بناء أكثر من دور في بهو العمارة وهادشي أثر بشكل واضح على التهوية وأشعة الشمس داخل الشقق لي كاينين تما، وتم تغطية بهو كراج العمارة مما يجعل الدخان ديال الطونوبيلات كيدخل للشقق ديال عباد الله عبر الأدراج عوض الانصراف عبر البهو.
دبا كاين عدد من الشكايات والسلطة مزال مدارت والو. وكاين إصلاحات فالدور الأول من هاد العمارة بلا حتى شي رخصة وشملات تكسير جدران مول هاد الشقة يسابق الزمن باش يربح الوقت فنهاية السيمانة.