عاجل. واش كانت باغية تفجرها: بوليس اورلي وقف فرانساوية ماشي مسلمة كانت جاية لكازا مع لارام

علمت “كود” ان البوليس ديال فرنسا تمكنوا قبل قليل من يومه الخميس، من توقيف مواطنة فرنسية ماشي مسلمة حقاش لقاو عندها شي مواد شكو فيها. وفق مصدر من اورلي ل”كود” فان الشرطة كتحقق معاها باش تعرف اش من مواد عندها وواش كانت ناوية دير شي تخربيقة. مصدر من الخطوط الملكية المغربية اوضح ل”كود” ان كل ما تعرفه الشركة هو “ان سيدة ما عرفناش اش عندها ما لحقاتش الرحلة” مضيفا ان هاد الرحلة راها وصلات بسلام للمغرب.
مصدر اخر قال ل”كود” ان السيدة بالفعل تشدات قبل ما توصل للرحلة وان البوليس لقى عندها شي حاجة. واش فصاكها ولا صباطها هاد الشي غادي يكشفو التحقيق. واش هادي “فوس اليرت” ولا شي حاجة شادة؟ دابا نعرفو