الوزير الداودي طفا العافية لي كانو غادي يشعلوها الموزعين ديال “البوطا”

omarelmouzaine@gmail.com
يبدو أن لحسن الداودي، الوزير المكلف بالحكامة، تمكن من إخماد داك العافية لي كانت غادي تشعل ف السوق المغربي، بعدما هدد الموزعين ديال البوطا بخوض إضراب شامل، احتجاجا منهم على عدم الاستجابة للمطالب ديالهوم لي كانو رفعوها للحكومة.
وحسب مصادر مطلعة، ل”كود”، فإن الاجتماع لي دار الوزير الداودي مع الناس ديال الجمعية المهنية لمستودعي الغاز السائل بالجملة في المغرب، انتهى منصب نهار اليوم الثلاثاء. الاجتماع كيف قالت مصادر من داخل الجمعية، ل”كود”، كان ناجح وداز ف واحد الجو ديال الحوار الجاد وكول واحد اعطا وجهة نظرو.
المصادر نفسها، قالت ل”كود”، أن هاد الاجتماع حضرو ليه ممثلين عن قطاعات مختلفة، بحال وزارة الداخلية ووزارة الاقتصاد والمالية ووزارة الطاقة والمعادن، مشيرة إلى أن الوزير الداودي طلب من المهنيين ديال هاد القطاع باش يقدمو ليه تقرير مفصل على الإكراهات لي كيواجهوها، في أفق إياجد حلول مناسبة لتجاوزها.
“كود” غادي ترجع للتفاصيل الكاملة ديال هاد اللقاء.