ها فين وصلات قضية القايد اللّي حصل كيشد الرشوة من مول معصرة الزيتون فتاونات

علمت “كود”، أن قاضي التحقيق بالغرفة الأولى بمحكمة الاستئناف بمدينة فاس، محمد الطويلب، قرر اليوم الخميس، تأجيل التحقيق التفصيلي مع قائد قيادة عين عائشة، التابعة لعمالة تاونات، المتابع في حالة اعتقال احتياطي، من أجل “الارتشاء واستغلال النفوذ”.
وحسب مصادر مقربة من هاد القضية، ل”كود”، فإن قاضي التحقيق قرر باش يأجل هاد الملف إلى غاية 3 يناير المقبل حقاش الدفاع ديال المطالب بالحق المدني واللي هو مول معصرة ديال الزيتون طلب مهلة لتقديم الطلبات المدنية.
وكان هاد القايد قد ضبط متلسا بتلقي مليون سنتيم كرشوة قدمها ليه واحد مول المعصرة ديال الزيتون، كان كيتعرض بينة الفينة والأخرى للابتزاز من قبل هاد المسؤول الترابي، قبل أن يقرر التبليغ عنه عن طريق الرقم المباشر ديال النيابة العامة.