سطيف حمار مرمقاتها مع الوداد. الفريق الجزائري قصا حامل لقب عصبة الأبطال من دور ربع النهائي، في أكبر مفاجأة للمسابقة الأهم إفريقيا. سطيف حجز بطاقة التأهل عقب نجاحه في انتزاع تعادل سلبي من الحمرا في مركب الرعب «دونور» بالدار البيضاء، بعدما كان ربحها في مباراة الذهاب بهدف نظيف. إقصاء الوداد كان متوقع لأنه ساهمت فيه عدة عوامل، أبرزها أن سعيد الناصيري، رئيس الفريق، داير فيها الكل في الكل، وهو اللي دار الانتدابات الفاشلة اللي بينات الوداد فثوب فريق ميكشرفش الكرة المغربية. ويبدو أن هادي مغاديش تكون الصدمة الأخيرة لبوحمرون هادالموسم. الفريق كيتساين فيه موسم كحل.. حينت بادي بدية مكفسة فالبطولة، كما أنه كتساين فيه مباراة قاسحة ضد اتحاد طنجة فكأس العرش، واللي كلشي كيتوقع أنه غادي خسرها فظل هاد المستوى الضعيف اللي ولا عليه الفريق، خصوصا تحت قيادة الإطار الوطني عبد الهادي السكيتيوي.
