أزمة طرد شرفات.. بنعرفة حصل.. جهات عليا للبي بي إس: حنا معندنا حتى شي موشكيل مع الحزب

علمت “كود” من مصدر داخل المكتب السياسي لحزب التقدم والاشتراكية، أن الاجتماع الأخير ديال المكتب تم إخبار الأعضاء بأن جهات عليا اتصلت بنبيل بنعبد الله الأمين العام ديال الحزب.
وحسب عضو فالمكتب السياسي اللّي فضل ميتكالش إسمو ل”كود”، أن هاد المستجد اللّي تخبرو بيه أعضاء المكتب كيعني أن داكشي اللّي كان كال بنعرفة مشادش. إما كيكذب فاش كال معندو علاقة بإعفاء شرفات من كتابة الدولة ديال الماء أو مكالش الحقيقة كولها.
بيان الديوان الملكي واضح. وجاء فيه أنه إعفاء شرفات أفيلال من هيكلة الحكومة جاء باقتراح من رئيس الحكومة. يعني مول الفعلة هو رئيس الحكومة.