مسخوط ديال بصح هذا. شدو وحش ثلاثيني كيغتاصب الأم ديالو تحت التهديد

شدات فرقة كتكون من 8 ديال عناصرالدرك الملكي ، هاد الصباح ، شخص فعمرو 32 سنة ، بتهمة إغتصاب الأم ديالو المطلقة ، وكتبلغ من العمر 54 سنة ، تحت التهديد بالسلاح الأبيض المقرون بالضرب والجرح، بعدما توجهو للمنزل ديالو الكائن فالجماعة القروية “أسجن” بقيادة “بريكشة” فمدينة وزان.
وحسب مصادر محلية ، فالإعتقال جا بعد تقديم الأم المغتصبة لشكاية فالموضوع ،حيت هلكها ولدها العاق المدمن على المخدرات ، بتكرار إرتكابو لزنا المحارم ،و تعريضها للإغتصاب بزاف ديال المرات، بحيت إستاغل طلاقها من راجلها قبل أشهر قليلة ، وأصبح كيعنفها بالتهديد بالسلاح وبالضرب باش ترضخ وتمارس معاه.
وبتعليمات من النيابة العامة المختصة لدى محكمة الاستئناف بتطوان، قامت عناصر من الدرك الملكي بتوقيف الجاني ، الي قاوم الإعتقال فالبداية ، وتم وضعو تحت تدبير الحراسة النظرية ، فإنتظار تقديمه أمام أنظار العدالة.