كيجيبو غير شوهة للداخلية. تلاميذ حاصرو قايد في زايو حتا لنصاصات الليل بسبب كسر يد زميل ديالهم

شي قياد ديال الداخلية كيسحابو راسهم باقين عايشين في زمن البصري. واحد القايد في زايو غير شوه براسو وبان صغير بزاف قدام المسؤولين المباشرين ديالو وأمام المواطنين ديال مدينة زايو.
ها القايد جا اقتحم ثانوية فيها احتجاج عادي بسبب غياب مدرس ديال الرياضيات. دار راسو واعر وضرب تلميذ وهرس لواحد يده وهرب لمكتب المديرة. التلاميذ تبعوه وحاصروه حتا الليل. جا الكاتب العام ديال العمالة ورئيس الأمن الإقليمي اللي تدخلو بخيط بيض، ومشاو كاملين لمقر الأمن باش يستمعو للضحايا والقايد في محضر قانوني قدام نائب وكيل الملك.