رونار: شكرا للقجع وفر لي كاع الامكانيات باش ننجح وعلاقتي بحجي مزيانة

شكر ايرفي رونار مدرب المنتخب المغربي لكرة القدم رئيس الجامعة الملكية لكرة القدم فوزي لقجع. وقال في تصريح ل”دوزيم” نشره هو على صفحته بتويتر ” “من نهار جيت للمغرب وفر لي الرئيس لقجع كاع الامكانيات باش ننجح” واكد انه “تعامله معه كان “تعامل ايكسيبسيونيل”.
بخصوص علاقته بمصطفى حجي احد مساعديه قال لقجع “علاقتي بيه مزيانة. كنشكرو على تعانو معايا من نهار وصلت للمغرب”.
هاد الرد جا بعد رد اخر من رونار نشرو البارح. رونار كان فالندوة الصحافية اللي تلت لقاء المنتخبين المغربي والاسباني في مدينة كالينينكراد الروسية باللي ماشي الوقت للحديث عن مستقبله مع المنتخب.
فهاد الندوة الصحافية تحدث بلا ما يجبدو شي حد على ناصر لاركيط اللي قال باللي هو اللي جابو للمغرب. هاد الحديث جا بعد اخبار عن امكانية التخلي عن لاركيط من قبل الجامعة. رونار دافع عليه وبغى يقول ايلى مشى فحالو نمشي فحالي.
كاينة اخبار على امكانية الرحيل من المنتخب وان هناك عروض من دول باغياه. المدرب عندو عقد مع الجامعة حتى ل2022 وللي بغى يفسح العقد خاصو يخلص للاخر ثمن الفسخ.
رونار ل"دوزيم": علاقتي بلقجع وحجي مزيانة بزاف
Publiée par GOUD sur Mardi 3 juillet 2018