امرابط: حنا فالمونديال ماشي فالسيرك.. وتصرف الحكم غير مقبول! كيعجبو رونالدو وطلب منو يعطيه “التوني” ديالو

نوردين امرابط خاب ظنو فحكم المقابلة الي جمعات بين المنتخب المغربي و البرتغالي في إطار منافسات الجولة الثانية من دور مجموعات بطولة كأس العالم في روسيا 2018.
وذكر موقع “Le Soir” البلجيكي أن اللاعب المغربي نوردين امرابط كان كيشعر باحباط شديد، ماشي من الزملاء ديالو في الفريق ولكن من تصرف حكم المقابلة الي، حسب ما أكده الموقع، طلب من كريستيانو رونالدو القميص ديالو بالي لعب بيه.
وقال امرابط: “حنا ماشي فالسيرك، الحكم كان مبهور برونالدو.. وسمعت “بيبي” كيقول أنه طلب من كريستيانو القميص ديالو في الشوط الأول.. علامن كنضحكو؟”.
وأظاف الموقع ذاته أن المغرب مكانش كيستاهل يخسر ب 1-0 بهدف من كريستيانو رونالدو بحيت ان المنتخب المغربي لعب مزيان وكان الأداء ديالو مثالي وقتالي.