سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الاتحاد الاشتراكي عهد لشكر ولى مدرسة للكلخ. وشوفو رئيس الفريق طالب حضور لعرايشي والشيخ باش يناقشهم فبرامج رمضان. واش خدامين عندك وشغلك شكون عطاك الوصاية على الفن وتقول لينا اللي مزيان للذوق اش هاد العهد المتخلف اللي باغي ترجعنا ليه
هاد الاتحاديين كثر فيهم التخلف وبزاف. واحد مضروب بفليطوكس باغي يدير قوانين الاتحاد السوفياتي للفايسبوك وجا اخر اللي هو رئيس الفريق محمد علمي باغي يتحكم فالذوق. قاليك دار رسالة كيطلب “عقد لجنة التعليم بحضور وزير الثقافة والاتصال” فهاد الطلب الغريب ان هاد الاتحادي كيطلب الدعوة لعقد اجتماع لجنة التعليم والشؤون الثقافية والاجتماعية بحضور محمد لعرج وزير الثقافة والاعلام وسليم الشيخ مدير القناة الثانية وفيصل لعرايشي مدير الشركة الوطنية للاذاعة التلفزيون وعلاش؟ قصد المناقشة والاستماع الى كيفية تدبير القطاع وعن مستوى البرامج التي تقدم خصوصا في هذا الشهر الفضيل والتي تعيكش غياب رؤسة واضجة للادوار الثقافة والتنويرية التي ينبغي ان يؤديها السمعي البصري العمومي للمجتمع. دابا كيدخل فخدمة ماشي خدمتو. كاين احترام لدفاتر التحملات ولا اللا هاد العلاقة الوحيدة اللي كتربط التلفزيون بالحكومة وما تبقى بخصوص التعددية واحترام القوانين …. كيتكلف بيه الهيئة العليا للاتصال السمعي البصري “الهاكا”. الادوار الثقافية والتنويرية اللي كيخربق بيها هادا راه شغل الحكومة. خاصها تجيب مشاريع فهاد الاتجاه ماشي شغل الاعلام. شكون قال ليك التلفزيون كيثقف يا مثقف شكون قال ليك الاعلام كينور يا اللي فاقد التنور. راه الارقام الاولى لنسب المشاهدة٬ اللي نشراتها “كود“٬ كتكذبك انت يا هادا. اول الارقام كتقول باللي النسبة وصلات ل42 بالمائة فدوزيم بوحدها بلا “الاولى” بلا ميدي 1 تي في”. شكون انت تتحكم فالذوق ديال الناس. المواطن ما يعجبوش وكيتب ستاتو فالفايس من حقو والصحافي ينتاقذ هاد البرمجة حتى هو من حقو وممثل يوجه انتقادات لاعمال رمضانية من حقو. انت بر لماني ماشي من حقك الذوق العام. تناقش تمويل القنوات العمومية من المال العام من حقك وبس. الشي لاخر ماشي من حقك تهدر على الادوار الثقافية والتنويرية وشي كيكملها بالتعليمية كاع. لاواه تجي التلفزة تربي ليكم ولادكم.
