دراسة. الدعم المعنوي للناس الي مراض بالسكر بحالو بحال الدوا

أشارت دراسة أمريكية إلى أن المراض بالسكر، تقدر تتحسن حالتهم إلا لقاو دعم من الأسرة والأصدقاء باش يتغلبو على ضغوط المرض.
ودرسو الباحثين حالة 308 من كبار السن فيهم السكر، وكلهم عندهم لي معاونهم فالتعامل مع المرض، ولي عادة ما كيكون شريك الحياة أو واحد من الولاد، وركزو فالدراسة على الضغوط الي كتسيطر على المرضى، وإهتمام الأسرة بمشاعرهم، والجهد الي كيبذلوه فالاهتمام بالأكل الصحي والتدريبات وتناول الأدوية وفحص مستوى السكر في الدم.
وكيما توقعو، كانو المرضى الي كيعانيو من أقصى درجات القلق، جراء طريقة التعامل مع السكري، كيعانيو من مستويات أعلى من سكر الدم، مقارنة بالمرضى الي مكيعانوش بزاف من بحال هاذ التوتر، لكن فاش لقاو المرضى الأكثر قلقا لي يشجعهم، تحسنات مستويات السكر عندهم، ورجعو بحال المرضى الي معمرهم شعرو بالضغط نتيجة المرض .
وقال قائد فريق الدراسة “آرون لي” من “ميشيجان”، أن إنتقاذ المريض والتدمر من أنه متبعش الريجيم يمكن يعطي نتائج عكسية ويزيد يمرضهم كثر .