شوفو ديال الگاز قتل عائلة على قدها فتمارة

ماتو ثلاثة ديال الأشخاص من أسرة وحدة ، نتيجة إختناقهم بغاز البوتان، وهما أب ومرتو الي حاملة ، وولدهم الي فعمرو عامين بمدينة تمارة .
وصرح مصدر محلي عاين الحادث ل”كود”، أن هاد الحادث وقع لبارح بالليل ، فعمارات “أولاد مطاع” فتمارة ، ومات فيه الأب لي كان خدام سائق تاكسي صغير هو ولدو فالدار ، في حين لفضات الزوجة ووجنينها أنفاسهم بعدما نقلوهم للمستشفى.
الضحايا لقاهم واحد من الأقارب ، فاش دار ليهم زيارة ، بعدما حاول يتاصل بزاف تالمرات وتاواحد مكايجاوبو ،وهنا جا للعمارة، وهرس الباب باش يشوف أش كاين ، وكانت صدمتو ملي لقاهم كلهم طايحين فالأرض شي ميت وشي مخنوق .
السلطات المعنية والوقاية المدنية ، جاو لمكان الحادث وتفتح تحقيق باش يعرفو ملابسات الفاجعة وتم نقل الضحايا لمستودع الأموات.