جهة تادلة ازيلال اوت من ملاعب كأس العالم 2026 ومراكش وكازا بملعبين ووارزازات المفاجأة. الطالبي العلمي: ها علاش اختاريناها

كشف وزير الشبيبة والرياضة رشيد الطالبي العلمي في لقاء صحافي هاد الصباح فالرباط عن المدن اللي غادي يقدمها المغرب فترشيحو ف2026 وقال العلمي ان هذه المدن هي طنجة وتطوان والناظور ووجدة وفاس ومكناس والرباط والدار البيضاء ومراكش والرباط والجديدة واكادير ووارزازات.
غادي يكون 14 ملعب اي ان مدينتي البيضاء ومراكش غادي يكون فيهم كل وحدة جوجت الملاعب.
ما يظهر فهاد الشي ان اربع جهات ما غاديش يكون فيها ملعب. ايلى حيدنا جهات الصحراء الثلاث كلميم وادي نون والعيون بوجدور ثم الداخلة وادي الذهب اللي ما غاديش يكون فيها ملعب٬ كاينة جهة تادلة ازيلال غايبة. حسب المصدر نفسه حقاش ما كاينش فالجهة شي ملعب كبير وناقصاه البنيات التحتية والملاعب. وقال الطالبي العلمي "نأسف لهذه الجهة ما فيهاش ملاعب".
لكن اش نا هي الشروط؟ خاص بنيات تحتية وخاص فنادق بطاقة استيعابية اقلها 3 الاف سرير وهاد الشي علاش تم اضافة ملعب ثاني فمراكش. بخصوص اختيار وارززات٬ قال الوزير "تم اختيارها لثلاثة اسباب: مشهورة دوليا بفضل السينما وعندها الطاقة الاستيعابية اي على الاقل 3 الاف سرير ثم عندها مشروع نور للطاقة المتجددة.
المصدر نفسه شدد ان المغرب يرضي الفيفا ماشي لمغاربة