ها علاش بنكيران جبد السومو للشكر وما ندمش على الوصف

يبدو ان عبد الاله بنكيران الامين العام لحزب العدالة والتنمية سابقا ورئيس الحكومة سابقا كان واعي كل الوعي بتوظيف عبارة "السومو" اليابانية فوصفو لادريس لشكر فخطابو نهاية الاسبوع امام شبيبة حزبه في الرباط. رئيس الحكومة السابق وفق مصدر ل"كود" كال هاديك العبارة وكيقصد بيها العنف اللي حاول يمارسو الكاتب الاول للاتحاد الاشتراكي فاجتماع الاغلبية الاسبوع الماضي. مصدر "كود" اكد ان العنف اللي دارو لشكر حتى تقلق مع مصطفى الرميد اللي غضب وخرج ومن بعد دخل٬ كان غير مسبوق وانو استعمل جسدو ماشي باش يضارب ولكن باش يخلع خصومو.
هاد التصرف يشرح مصدر "كود" كان سبب فاستعمال هاد التعبير اللي اعتابرو ما كيمسش ابدا الجانب الجسدي ولا شكلو بل القوة واستعمال القوة لمحاولة ارهاب حلفاء ماشي حتى خصوم.