نكبات بي جي دي ابن عرفة السياسية غادية وتتمدد ومعاها الديموقراطية. تگرگات مرة للمرة الخامسة فانتخابات جزئية بالعرايش شارك فيها 5 بالمائة واللي ربح طلع غير بالف صوت

نكبات العدالة والتنمية ايام الامين العام رئيس الحكومة سعد الدين العثماني غادية وتتمدد. خسارة جديدة فالانتخابات الجزئية هي الخامسة للحزب. هاد المرة فبلاصة ديالهم كيربحو فيها وهي العرائش. ففي الانتخابات الجزئية اللي دارت البارح بهاد الاقليم دا سيمو محمد من الحركة الشعبية المقعد ب1124 وتبعو مرشح البي جي ي ب1077. اييه ماشي فرق كبير بيناتهم ولكن ربح غير بالف صوت مقعد فالبرلمان. هادي هي الفضيحة. نسبة المشاركة ما فاتتش 5.36 بالمائة.
المشكلة الكبيرة هي نسبة المشاركة الضعيفة بزاف بزاف. علاش كاع الانتخابات تقبل نسبة المشاركة فيها بحال هاد النسبة