اللي ما شافتش البارح اطلاق القمر الصناعي محمد السادس: ها اهدافو الفلاحة والوقاية من الكوارث وحماية الحدود وبعيد على الارض ب695 كلم وغادي يرسل للرباط 500 صورة يوميا وطلع ب500 مليون يورو =فيديو

ليلة البارح كانت تاريخية عند المغاربة. اول مرة المملكة تملك قمرا صناعيا. البارح تطلق "محمد السادس-أ"، وذلك من قاعدة كورو بلاگويان الفرنسية بامريكا الجنوبية. القمر اللي صطى الجزائر واسبانيا بزاف غادي يحمي امن المغرب ويعزز قدراته الأمنية والاستخباراتية.
اش غادي نديرو بيه. اولا نراقبو الحدود البرية والبحرية. ثانيا غادي يتم استعمالو امنيا ومدنيا بحال المسح الخرائطي ووالرصد الزراعي والوقاية من الكوارث الطبيعية والتعامل معها ومراقبة التصحر طبعا ومراقبة الحدود.
هاد القمر الصناعي غادي يرسل يوميا لمحطة التحكم الأرضية حدا الرباط اللي فيها غير المغاربة 500 صورة يوميا. هاد القمر غادي يراقب المملكة من ارتفاع 695 كلم من الارض.
هاد الشي طلع بخمسمئة مليون يورو، وهادي غير البداية تابعها قمر اخر العام الجاي