انفراد. مول قهوة لاكريم ولد الريف من جماعة الكبداني وعندو قهوة فطنجة وقهوة فمراكش وحساباتو مكفسة مع المافيات الدولية

مول قهوة لاكريم لي وقعات فيها جريمة مراكش المسمى "الفشتالي"، حسب مصادر خاصة ل"كود"، ينحدر من جماعة دار الكبداني بإقليم الدريوش.
السيد كان فهولندا وعندو قهوة فطنجة وأخرى لي هي لاكريم فمراكش بالاضافة للعقارات، وحسب ذات المصادر مول القهوة عندو حسابات خايبة مع المافيات الدولية وخصوصا فهولندا، وكاين بيناتهوم كريديات عالقة مابغاش السيد يخلصها وحلفو فيه وصيفطولو لي يصفيه.
هاد السيد كان دخل واحد السيارة ديال رولز رويس مطلات بالذهب لطنجة وكانت خلعات البشر وكولشي بقا كيسول شكون هذا لي دخلها، بالاضافة لملكيته للعديد من السيارات الفارهة لي اقلها بورش.