كلشي عبثي فهاد البلاد. واحد السيد خارج على التلفزيون ومن نهار وصل الملك للحكم وهو فيها عطاوه اللجنة الاولمبية ولعيالات الغائب الاكبر: واش كتنتاظرو الرياضة تقلع وها وجهي

كلشي عبثي هاد الايام فالمغرب. اخر فصول هاد المسلسل هو انتخاب فيصل لعرايشي رئيسا جديدا للجنة الوطنية الأولمبية المغربية. قاليك بعد الجمع العام الانتخابي، الذي عقد اليوم الأربعاء بمقر اللجنة الأولمبية بالرباط.
لعرايشي بحال دوك الانتخابات الغريبة تقدم غير بوحدو وجاب 27 من اصل 31 صوت. وخدا بلاصة الجينرال كور دارمي حسني بنسليمان اللي لصق فهاد البلاصة 24 عام
نواب لعرايشي تقريبا كلهم احسن منو: ها عبد السلام احيزون ها فوزي لقجع بالاضافة الى كمال لحلو اللي سنوات وهو فهاد لبلاصة وورثوه من تركة حسني بنسليمان وعطاو للمامون بلعباس الكتابة العامة وخدا وإدريس حسا نائبو، وعمر بلالي أمين المال ومحمد مقتابيل نائبه. كما تضم اللائحة خمسة مستشارين وهم جواد بلحاج وعبد اللطيف إيدماحما والطاهر بوجوالة ومحمد بلماحي ويوسف فتحي .
ولا مرا فهاد اللجنة ذكورية مائة فالمائة وما يمكنش نتسناو من واحد سير التلفزيون من نهار وصل الملك للحكم ونهار على نهار راجع اللاور ولا رئيس جامعة التنس للي من نهار شدها والنتائج في تراجع تبارك الله عليه وزادوه منصب اخر
للاشارة فان تسيير اللجنة الوطنية الأولمبية المغربية منذ تأسيسها سبعة رؤساء وهم ولي العهد الأمير مولاي الحسن آنذاك بين سنيتي 1959 و 1965 والحاج محمد بن جلون التويمي بين 1965 و 1973 وحسن الصفريوي بين سنتي 1973 و 1977 ومحمد طاهيري الجوطي بين 1977 و 1978 والمهدي بلمجدوب سنة واحدة 1978 والرشيدي العلمي ما بين 1978 و1993 ، قبل أن يعود حسن الصفريوي لترؤسها لأشهر عام 1993 ، وبعدها تولى الجنرال دو كور دارمي حسني بنسليمان ل24 سنة .