مؤثر بزاف بزاف. وفين حكومة ابن عرفة. مواطن يبكي قدام خوه الميت فابن رشد: عيب عليك اسيدنا خويا مات وقتلوه اسيدنا وبغيت خويا

فيديو مؤثر بزاف بزاف. واقعيتو فايتة حدود كاع المشاهد السينمائية. مواطن يدعى الديش عبد الرحمان رفقة عائلته في غرفة. جثة خوهم الديش عادل. المواطن في حالة هستيرية يصيح "الملك. سيدنا حنا مواطنين؟" ثم يحكي القصة ان خوه دخل لمستشفى ابن رشد بالدار البيضاء وحالتو ساءت بزاف وبغاو يديرو ليه عملية جراحية ودائما حسب الشاب٬ الطبيب الحراج قالو ليهم ما يجي حتى الاثنين. اليوم صبح ميت بلا ما دار ليه العملية
المواطن يحرقة يصيح "سيدنا انت اللي حاضينا. اجي تشوف اش دارو لخويا". ثم يصيح "سيدينا عيب عليك اسيدنا. ما مهتمش بينا. خويا مات وقتلوه اسيدنا. بغيت خويا".
فيديو يفضح يكشف مستوى الفقصة ديال مواطن لقى الاهمال. الفضيحة ان حكومة ابن عرفة العدالة والتنمية يوما بعد يوم كتبين انها ما كديرش خدمتها وهادالشي كيخلي المواطن كيعرف غير الملك. هاد الشي خطار واللي دارو يتحمل تبعاتو