وشوفو وزراء ابن عرفة العدالة والتنمية كلهم مغوبشين فالبرلمان الا صحابو =صور=

الصورة اصدق انباء من الهدرة الكثيرة. صورة وزراء ابن عرفة العدالة والتنمية البارح الاربعاء اثناء تقديم البرنامج الحكومي بالبرلمان بالرباط بينات كلشي. غير ابن عرفة اللي كيضحك ومعاه الرميد والخلفي اللي كان مع بنكيران وقبل عليه وبايع ابن عرفة.
صورة نبيل بنعبد الله وشرفات افيلال وبسيمة الحقاوي ومحمد اوجار ولفتيت واخرون كتقول كلشي. عينيهم ما كيكذبوش. شوفوهم واش عليهم سيفة ناس مركزين على التصريح الحكومي طبعا لللا. واش عليهم سيفة شي واحد فرحان. طبعا اللا. مغوبشين صورة بحالها بحال صورة يوم الاعلان عن التحالف السداسي. كلشي مقلق.
وشكون فرحان. طبعا ابن عرفة العدالة والتنمية ومعاه وزير الدولة المكلف بحقوق الانسان مصطفى الرميد ومعاه الخلفي اللي دار كلشي باش يبقى فالحكومة رغم ما قام به من كوارث في وزارة الاتصال.