انفراد. هاد المدعي العام الجديد للمملكة. داها ليهم مزابي وها المزابي لاخر اللي مرشح رئيسا للسلطة القضائية

علمت "كود" ان محمد عبد النبوي مدير الشؤون الجنائية والعفو بوزارة العدل واللي كيسميوه "لابواط نوار ديال الوزارة" سيتم تعيينه وكيلا عاما للمملكة. مع ما شهده القضاء من اصلاح النيابة العامة ما بقاتش تابعة لوزير العدل هاد المنصب اللي بحالو بحال المدعي العام للجمهورية ففرنسا هو اللي خداه محمد عبد النبوي.
هاد البلاصة كانت عند مداح وحسب مصدر "كود" فان هذا الاخير ودع الجميع هاد الصباح.
بخصوص رئيس السلطة القضائية غادي يبقى رئيس المجلس الاعلى للقضاء مصطفى فارس
اللي كيبان فهاد التعيينين المتوقعين انهما بجوج من مزاب. عبد النبوي من سيدي حجاج ومصطفى فارس من راس العين. مزاب محيحين فالقضاء غير هما اول حاجة كيديروها قضاتهم كينزلو على خوتهم اي المزابيين لاحكام قاصحة.
التعيين ديال السلطة القضائية غادي يكون غدا الاربعاء