رسائل اخنوش الى بنكيران والرميد: انا راجل وفالكلمة ديالي وما تخلعنيش الكتائب واللي بغى يخدم معانا مزيان مرحبا وكلشي الا شي حد يتحكم فينا

عزيز اخنوش رئيس التجمع الوطني للاحرار دار خطاب سياسي فلقاؤو الحزبي بالدار البيضاء اليوم الاربعاء 11 يناير 2017.
الزعيم الحزبي وجه رسائل لحزب العدالة والتنمية دون ان يسميه. كان يقصد بالاساس تصريحات مصطفى الرميد اللي اتاهمو باللي ما عندوش الخبرة السياسية. اخنوش رد عليه بالقول "المهم نكونو رجال. انا راجل وفالكلمة ديالي".
وكشف انه لن يرهبه الهجوم الذي يتعرض عليه "والله واخا نطلعو الكتائب الالكترونية كلها ما نبدلو اتجاهنا" ثم بعث رسالة الى رئيس الحكومة عبد الاله بنكيران ظريفة ومصوابة "اللي بغى يخدم معانا مزيان مرحبا. راه كلشي الا شي واحد يتحكم فينا".
هذا التصريح دعوة مبطنة الى العودة للمفاوضات مع عبد الاله بنكيران. مفاوضات شدد في الكلمة نفسها ان حزب الاتحاد الدستوري معني بها حقاش دارو معاه تحالف وفريق برلماني في مجلس النواب وفريق واحد غادي يدار فمجلس المدينة. اي غادين دقة دقة باش يندامجو