فرنسا كتشرف على تجارة المخدرات اللي تمشي من المغرب لاوربا

تحقيق مزلزل نشرته اليوم يومية "ليبراسيون" حول اشراف الدولة الفرنسية من خلال احد اشهر كوميسارييها على تجارة المخدرات. اليومية كشفت ان فرانسوا تيري اللي كان مشرف على محاربة المخدرات هو اللي كان يشرف على هاد التجارة
نقلت اليومية شهادات لبركاكة كان يوظفهم هاد الكوميسير منها شهادة لشخص قال ان رجاله كانوا يشرفون بانفسهم على التجارة من خلال فيلا بالجنوب الاسباني. وقال المصدر نفسه ان 19 طن دخلات من المغرب ووصلات لاوربا باشراف مباشر من رجالات فرانسوا تيري وان 7 طن اللي حصلاتها فرنسا وفرح بها الرئيس الفرنسي كانت من بين هاد 19 طن