وافين هي الدولة راه الناس كيحكمو بقانون الغاب. إقتحام منزل مشعوذة في سلا والناس يقتصون منها ومن منزلها (فيديو)

قانون داعش أو قانون الغاب، من حق أي قوي أن يمارس ساديته على الاضعف أو على الاقلية أو على المخطئ، هادشي لي رجعنا كانعيشوه يوميا فالمغرب، وآخر فضائح الاقتصاص من الناس هو ما وقع لمشعوذة إتهمت وتم الحكم عليها وتنفيذها من قبل محكمة الغوغائيون.
هادشي رجعنا كنعيشوه يوميا، أي مجموعة كاتشوف شي حاجة وكتعتبرها ماشي هي هاديك سواء من منطلق ديني أو عرقي…كاتنوض تاخوذ شرع يديها.
المشعوذة كاين قانون يعاقبها وكاين قضاء يحقق معاها وكتبقى بريئة لأن الاصل في الانسان البراءة، ولكن لمغاربة رجعوا كيديرو شرع يديهم.
بالامس مثلي وبعده مشعوذة وغدا غادي نرجعوا ملزمين أننا ننصاعوا لمحكمة الشارع يلا ما قدراتش الدولة توقف هاد العبث، وحتى الدولة لا بقات ساكتة غادي يجي نهار غادي نرجعو نحكمو بأسلوب اللجان الشعبية والفتوات والقوي يأكل الضعيف.