الرباط خو كلشي جا العيون وأزمة كبيرة كاينة فالسكن. 10 طائرات جاية اليوم وثمن الكراء وصل 10 الاف درهم لليوم وشي وحدين خواو لعيون ورافضين يكريو

يعيش مطار الحسن الاول بالعيون حركية إستثنائية بسبب قرب الزيارة الملكية المرتقبة لمدينة العيون كما عاينت ذلك "كود". فقد وصلت امس اليه أزيد من 5 طائرات تحمل على متنها مستشارين ملكين ووزراء ورؤساء أحزاب ومدراء عامين. فيما توقعت مصادر ل"كود" ان يبلغ عدد الطائرات التي ستصل اليوم الخميس عشر طائرات تحمل مسؤولين في كل الميادين. هاد الشي كلشي باغي يوصل قبل ما توصل الطيارة اللي فيها الملك محمد السادس واللي كيتوقع تحط فمطار العيون مع الخامسة بعد ظهر يومه الخميس.
ولكن المشكل الحقيقي الذي يعانيه هؤلاء حسب ما عاينته "كود" هو قلة الفنادق الي يمكن يسكنو فيها هاد الناس. فإلى حدود اللحظة باقي بزاف ديال المسؤولين ما لقاوش فين يسكنو كما علمت "كود".
الولاية حاصلة واضطرت تاخد ديور ديال المنتخبين والأعيان وبعض الأحيان كرات فيلات بمبلغ وصل حتى 10 ألاف درهم لنهار. شي وحدين اولاد لعيون الاصليين دارو بناقص وخواو المدينة. طبعا ما باغينش يكريو حتى لحد.