الداخلية ارتكبت خطأ كبيرا بأعمال البطاقة وإغلاق المكاتب مع السابعة قد يتسبب في احداث عنف ومواطنون يطالبون: اللي داخل فشي مؤسسة خاصو يصوت

يبدو ان اعمال البطاقة الوطنية محل بطاقة الناخب قبل أيام من اقتراع يومه الجمعة قد أربك المصوتين، فقد عاينت "كود" بطء العملية اذ يتطلب الامر الانتقال اولا الى مكتب مرشد (ة) تعطيها لاكارط وتسنى تقلب فالكمبيوتر لفترة قد تصل 4 دقايق ثم تكتفي بان تدلك على رقم مكتب التصويت وباش توصل يبداو يقلبو على الاسم اللي يقدر فالصباح يوصل ل3 دقايق. دابا فالعشية مع الزحام الأمور تعقدات بزاف، اتصل ب"كود" مواطنون يحتجون على حرمانهم من التصويت "مالي علاش غادي نتسنى ساعة باش نصوت، كلشي تالف، دابا ما صوتش وبسباب وزير الداخلية وقراره اعتماد البطاقة بلا ما يشرح لينا كيفاش ويؤهل الناس دياولو". يقول خالد ببوركون بالبيضاء.
يخشى المواطنون ان تتوقف عملية التصويت مع السابعة واخا كاين بنادم "لا داروها غادية تنوض" يقول مواطن يالله خرج من الخدمة وباغي يصوت وطالب الداخلية باغلاق المؤسسات التعليمية مع السابعة وترك من تواجد من المواطنين داخلها الى ان يصوتوا ولو بعد السابعة". واش الداخلية غادية تسمع منو نتسناو نشوفو