وشوفو الوقاحة فين وصلات بوالي امن العيون: باغي يحيد البادج للصحافيين فالداخلة وكيدخل فحوايج بعاد عليه

عبد العالي زراد والي امن العيون كيصبح ليه راسو المغرب سيبة، لقى صحافيين اثنين صباح اليوم السبت فقاعة كانت كرانس مونتانا تسجل فيها حوارين مع بورلو ودوفيليبان، كال ليهم "حيدو التصاور اللي صورتو" وبغى يهدد ولكن ما داوهاش فيه. اكثر من ذلك دخلت معه صحافية مغربية معروفة في نقاش وكال ليها غادي نحيد ليك البادج.
دابا هادا منتدى دولي للحوار وفالداخلة، اش كيدير والي أمن العيون فيه واش داه يقرب للصحافيين ولا يدخل معاهم فنقاش.
الوالي كيحس براسو قايد من القياد لقدام. السيد مغرور وعندو حنين لسنوات القمع. الخطأ ماشي ديالو الخطأ ديال اللي جابو وعطاه مسؤولية ماشي ديالو، لا عقليتو ولا تصرفاتو اللي بينها هاد الصباح تتماشى وعقلية سكان المدن الصحراوية