الدزايريون تصطاو بالمرة. كاليك المغرب هو اللي خلق القاعدة في بلاد المغرب الاسلامي وبغاو يشريوها لينا مع تونس والجزائر

يبدو ان قادة الجزائر تصطاو ديال بصاح. اللي قرا الشروق الجزائرية لهاد اليوم غادي يطلع على هاد الصطية. اذ نشرت وثيقة كالت سرية للغاية ومسربة من المخابرات المغربية تتحدث عن تعاون المغرب مع تنظيم القاعدة في بلاد المغرب الاسلامي ولقاء بين المغاربة وعبد المالك درودكال زعيم التنظيم الارهابي.
دون الحديث عن صحة الوثيقة فمادام ان كاتبها هو انور مالك اللي كان خدام مع لمغاربة قبل ما يتقلب عليهم وفيها حوار مع هشام بوشتي اللي هربان حتى هو من المغرب٬ فكيف يمكن لعقل سليم ان يعتقد للحظة ان دولة مثل المغرب يدعم الارهاب. فحتى لو ان الامر فيه غير شوية الشك واش فرنسا ولا امريكا ما فراسها والو، واش المغرب هو اللي تسبب فمقتل 100 الف جزائري ومجازر ارتكبها ارهابيون وارتكبها كبار رجالات الجيش الجزائري. واش المغرب هو اللي ولد هاد التطرف اللي بدا بعد الغاء نتائج الانتخابات التشريعية بالجزائر بداية التسعينات. وشفتو التصطية