المهرجان مراكش رگعها. كرم منتجين دارو لفلوس مع الأجانب وقليل فين خدمو السينما المغربية والصايل الشخصية الأكثر استحقاقا للتكريم هذا العام

تكرم الدورة الرابعة عشرة للمهرجان الدولي للفيلم بمراكش التي ستنظم ما بين 5 و13 دجنبر المقبل زكرياء العلوي وخديجة العلمي.
قليل اللي كيعرفهم واخا كذبو علينا فإدارة المهرجان اللي كيحكمو فيها الفرانساويين وكتبوا "من خلال تكريم هذين المنتجين المغربيين، اللذين برزا بشكل واضح بعملهما في تنفيذ العديد من الإنتاجات السينمائية الأجنبية الكبرى بالمغرب"، فإن المهرجان الدولي للفيلم بمراكش "يكرم جميع المهنيين المغاربة الذين يعملون، كل من موقعه، على تطوير هذا القطاع الذي يحظى بإمكانيات اقتصادية مهمة". طبعا هاد الشي غير لكلام الخاوي هاد المكرمين ما عمرهم دارو شي حاجة كبيرة للسينما المغربية واخا ترفحو على ظهر الانتاج الدولي، علاش خاص مهرجان يكرم بحالهم. المهرجان خاصو يكرم اللي مقاتل باش يدير فيلم ديالو اللي مقاتل ينتج فيلمو واللي مقاتل باش يلعب مزيان فالأفلام
اللي يستحق فعلا التكريم هو نور الدين الصايل، هو بالفعل أدى خدمات كبيرة للسينما المغربية ماشي غير فالمركز السينمائي المغربي ولكن مللي كان مدير فدوزيم، فكل منصب داز منو خلى بصمة السينما، ماشي حقاش نائب رئيس مهرجان مراكش خاصهم يحرموه من التكريم. هو على الأقل من لقلال بزاف اللي كيواجه عصابة الفرنسيين اللي مهيمين على كل المهرجان كيربحو لملاير وكيحتقرو لمغاربة
هاد المهرجان اللي مازال ما وصلش لسن الرشد المغربي كان عليه يكرم الصايل